Rais wa UFC White Adokeza Kurudi kwa McGregor

Dana White ambaye ni rais wa mchezo wa UFC amesema kwamba Conor McGregor anaweza kurejea ulingoni baadaye mwaka huu.

Tangu alipopoteza kwa Dustin Poirier mwezi Julai mwaka jana McGregor hajacheza pambano lolote baada ya kusumbuliwa na mguu wake wa kushoto ambao ulivunjika wakati wa pambano na Poirier.

White alikuwa akizungumza baada ya hafla ya UFC Fight Night katika uwanja wa O2 Arena London Jumamosi, akisema: “Conor bado hajaruhusiwa na daktari.

“Atakaporuhusiwa, baadhi ya mapigano haya yatafanyika msimu huu wa joto, tutaona jinsi mazingira yanavyoonekana, na tutaona muelekeo uko wapi, wakati huo, na tutamchagulia pambano.