Dar es Salaam. Klabu ya Simba imehailisha mazoezi yake yaliyokuwa yafanyike kwenye Uwanja wa Uhuru asubuhi hii kutokana na mvua inayoendelea kunyesha jijini Dar es Salaam.
Mazoezi ya klabu hiyo yalikuwa yaanze saa tatu na dakika 45 asubuhi, lakini baada ya mvua hiyo benchi la ufundi liliamua kuwapa ruhusa wachezaji wao kuondoka.
Simba walifanya mazoezi jana jioni kwenye Uwanja wa Uhuru asubuhi na leo ulikuwa ni muendelezo lakini hali ya mvua imeharibu ratiba hiyo.
Licha ya wachezaji wao wengine kuwa katika majukumu ya timu ya Taifa, timu hii imeendelea kujifua na wachezaji waliosalia katika kikosi chao.
Simba inatarajia kucheza mechi za kirafiki tatu moja Dar es Salaam dhidi ya Bandari Fc ya Kenya, na mbili mkoani Kigoma dhidi ya Mashujaa fC na klabu ya Aigle Fc kutoka Burundi.