Mechi Nyingine ya Simba Yaahirishwa

Mechi Nyingine ya Simba Yaahirishwa May 10, 2021 by Global Publishers

BODI ya Ligi Tanzania (TPLB) imetangaza kuahirishwa kwa mchezo wa Simba SC dhidi ya Coastal Union uliyopangwa kuchezwa Mei 11,2021 katika Uwanja wa Mkapa jijini Dar es Salaam.

Bodi imesema kuwa kuahirishwa kwa mchezo huo ni kutokana changamoto za usafiri, Simba italazimika kusafiri Mei 11 kwenda Afrika Kusini kwaajili mchezo wao wa Kombe la Mabingwa dhidi ya Kaizer Chief.

”Mchezo wa VPL Na. 259 (Simba SC vs Coastal Union FC) uliopangwa kuchezwa Mei 11, 2021 kwenye uwanja wa Benjamin Mkapa jijininDar es Salaam, umeahirishwa na sasa utapangiwa tarehe nyingine,” Taarifa kutoka Bodi ya Ligi Kuu Tanzania.

TPLB imeongeza kuwa ”Sababu ya mabadiliko hayo ni kwamba kutokana na changamoto za usafiri, Simba italazimika kusafiri siku hiyo (Mei 11) kwenda Afrika Kusini kwa ajili ya mchezo wa CAFCL dhidi ya Kaizer Chiefs Mei 14.”

Miamba hiyo ya soka na wawakilishi wa Tanzania Simba SC wanatarajia kushuka katika Uwanja wa FNB majira ya saa 1:00 usiku kwa saa za Afrika Mashariki Mei 15, 2021 kuwakabili wenyeji Kaizer Chiefs hatua ya robo fainali ya Ligi Ya Mabingwa.