Majaliwa Azipokea Timu za Bunge Baada ya Kurejea na Ubingwa

Waziri Mkuu Kassim Majaliwa amezipokea timu za michezo mbalimbali za Bunge la Jamhuri ya Muungano wa Tanzania, ambazo zimefanikiwa kushinda makomba Saba kwa michezo mbalimbali katika mashindano ya 11 ya Mabunge ya Jumuiya ya Afrika Mashariki yaliyofanyika Jijini Arusha

Akizungumza baada ya kupokea timu hizo Waziri Mkuu amesema Rais wa Jamhuri ya Muungano wa Tanzania Samia Suluhu Hassan amezipongeza timu zote zilizotwaa makombe katika mashindano hayo.

Pia Waziri Mkuu amempongeza spika wa Bunge Job Ndugai kwa maandalizi mazuri ya timu hizo ambazo zimewezesha kufanya vizuri katika mashindano hayo.

Timu ya Bunge imeshinda makombe kwenye michezo ya mpira wa miguu, pete, wavu kwa wanawake na wanaume, kikapu kwa wanawake na wanaume na mchezo wa kuvuta kamba wanaume.