Macron: Sherehe za ufunguzi wa Michezo ya Olimpiki zinaweza kuhamishwa

Rais wa Ufaransa Emmanuel Macron anasema sherehe za ufunguzi wa Michezo ya Olimpiki ya Paris zinaweza kuhamishwa kutoka Mto Seine ikiwa hatari ya usalama ni kubwa sana.

Bw Macron alisema inaweza kufanywa tu katika eneo la Trocadéro", ng'ambo ya Seine kutoka Mnara wa Eiffel, badala ya kufunga sehemu iliyopangwa ya mto huo.

Aliongeza kuwa inaweza hata kuhamishwa hadi Stade de France, na kurejelea sherehe za kitamaduni.

Alisema atafanya "kila linalowezekana" kuwa na suluhu ya Olimpiki.

Rais wa Ufaransa alikuwa akidokeza utamaduni wa kihistoria kwamba amani lazima iwepo wakati wa michezo ya Olimpiki.

Katika mahojiano na BFMTV na RMC katika Grand Palais, moja ya kumbi za Olimpiki, Bw Macron alisema: "Tunataka kufanya kazi kuelekea suluhu ya Olimpiki na nadhani ni fursa kwangu kushirikiana na washirika wetu wengi."

Sherehe ya ufunguzi tarehe 26 Julai inatazamiwa kuwa ya kwanza kufanyika nje ya uwanja wa michezo. Zaidi ya wanariadha 10,000 wanatarajiwa kusafiri kwa umbali wa kilomita 6 wa Seine kwa mashua 160 hivi.

Hapo awali waandalizi walikuwa wamepanga kuwapokea watu wapatao 600,000 kutazama sherehe hiyo kutoka kwenye kingo za mito.