Koeman amtabiria makubwa Coutinho

KOCHA wa Klabu ya Barcelona, Ronald Koeman, amemsifia kiungo, Philippe Coutinho baada ya kuonyesha kiwango bora katika ushindi wa mabao 3-1 dhidi ya Valencia, Jumapili.

Koeman amesema amekuwa akiamini katika uwezo wa mchezaji huyo na hafikiri atakuwa na majukumu makubwa katika timu hiyo siku zijazo.

Mchezaji huyo wa kimataifa wa Brazil alisajiliwa Camp Nou akitokea Liverpool, lakini alishindwa kuonyesha ubora wake kutokana na majeraha ya mara kwa mara, Jumapili alifunga bao moja katika ushindi huo.

“Kilikuwa kiwango kizuri,” alisema Koeman akiwaambia waandishi wa habari kwenye mkutano wake na wanahabari baada ya mechi alipoulizwa kuhusu kiwango alichoonyesha Coutinho na matokeo katika mchezo huo.

“Alipoingia kwenye mchezo alikuwa bora. Pamoja na uhuru wake tuliweza kudhibiti mchezo vizuri, anajua jinsi ya kufunga mabao.

“Amechukua hatua muhimu kwa sababu nimekuwa nikimwamini Coutinho. Kimwili, anazidi kuwa bora zaidi,” aliongeza Koeman.