Historia kuandikwa Simba Vs Kaizer Chiefs

Hatima ya wawakilishi wa Tanzania kwenye michuano ya klabu bingwa Afrika Simba SC itajulikana leo, ambapo watakuwa wenyeji wa kaizer Chiefs kwenye mchezo wa mkondo wa pili hatua ya robo fainali. Mabingwa hao wa Tanzania wana kibarua cha kupindua matoke ya bao 4-0.

Kufuatia ushindi wa bao 4 - 0 siku saba zilizopita katika dimba la FNB Afrika Kusini, Kaizer Chiefs wanaingia kwenye mchezo wa jioni ya leo katika dimba la Benjamin Mkapa Dar es salaam wakiwa na nafasi kubwa zaidi ya kusonga mbele na kuendelea kuandika historia kwenye michuano hii ambpo pia hii ni mara yao ya kwanza kufika hatua ya robo fainali ya klabu bingwa Afrika.

Wekundu wa Msimbazi Simba wanahitaji ushindi wa mabao 5-0 ilikujihakikishia nafasi ya kufuzu hatua ya nusu fainali kwa mara ya kwanza.

Miaka 47 iliyopita mwaka 1997 klabu ya Simba ili pindua matokeo na kusonga mbele kwenye michuano hii ya vilabu barani Afrika dhidi ya Mufurila Wonders ya  Zambia ambapo mchezo wa kwanza Simba ilifungwa bao 4-0 lakini mchezo wa pili walipindua matokeo na kushinda 5-0 na kusonga mbele.

Ni Jonas Mkude pekee ndio mchezaji atakao kosekana katika mchezo wa leo kwa upande wa Simba kutokana na matatizo binafsi, lakini wachezaji wote wapo vizuri hakuna mwenye majeruhi wala mwenye adhabu itakayo mfanya akose mchezo huu.

Kwa upande wa Kaizer Chiefs golikipa wao Itumeleng Khune anarejea kwenye kikosi baada ya kupona maumivu ya bega, lakini Dumisani Zuma ambaye aliumia kwenye mchezo wa kwanza ataendelea kukosekana pamoja na mshambuliaji wa kimataifa wa Zimbabwe Khama Billiat.

Mchezo huu unachezwa leo Saa 10:00 jioni katika dimba la Benjamin Mkapa Dar es salaam.