Lewis Hamilton
Kitendo cha dereva bingwa mara saba wa mbio za magari duniani (formula one) Lewis Hamilton kuanza kusogelea nafasi za juu za kushinda mbio za msimu huu, inatoa picha ya kuanza kujipata kwake na kutishia nafasi ya bingwa wa sasa Max Verstappen wa Red Bull.
Hamilton anayeshiriki mbio hizo za langalanga kwa msimu wa mwisho na Mercedes kabla ya kwenda kujiunga na Ferrari mwakani, aliingia tatu bora (podium) ya mbio hizo za Hispania Jumapili, nyuma ya Lando Norris na Verstappen ikiwa ni ya kwanza kwake baada ya misimu miwili.
Kabla ya Hispania, Hamilton alishika nafasi ya nne kwenye mbio za Canada nyuma na kusogea kwa nafasi moja zaidi juu, na kuonyesha anavyozidi kujipata kusogelea nafasi ya pili na ya kwanza na pengine kuanza kushinda kwenye mbio zilizobaki msimu huu na kuongeza ushindani dhidi ya Verstappen.