Dulla Mbabe: Napumzika Ngumi

Bondia Abdallah Pazi maarufu kama 'Dullah Mbabe ' amesema kwa sasa anapumzika kupanda ulingoni.

Dulla ametoa kauli hiyo ikiwa ni siku moja baada ya kuchapwa na Tshimanga Kantompa wa DR Congo.

Bondia huyo namba mbili nchini kwenye uzani wa super middle amesema amelazimika kujipa muda wa kupumzika ili kujipanga upya.

"Mwakani ndio nafikiria nitarudi ulingoni, ila kwa sasa wacha nipumzike kwanza, nitulize akili, nijipange upya ili niwe na ujio mpya nitakaporejea tena ulingoni," amesema.