Azam, Simba hakuna mbabe kipindi cha kwanza

DAKIKA 45 za kipindi cha kwanza kwenye mechi ya kombe la Azam (ASFC), kati ya Azam Fc na Simba zimemalizika kwa suluhu.

Mchezo huo unaopigwa kenywe uwanja wa Majimaji Songea ambapo mashabiki wa timu zote mbili wamejaa uwanjani hapo kushuhudia kandanda.

Simba wameonekana kuanza mchezo kwa kutafuta bao la mapema lakini jitihada zao zilikwama kutokana na ubora wa viungo na mabeki wa Azam wakiongozwa na nahodha wao, Aggrey Morris.

Dakika ya 14, beki wa Azam, Daniel Amoah alioneshwa kadi ya njano baada ya kumchezea faulo Luis Miquissone wa Simba.

Matumizi ya nguvu na faulo zilitawala katika kipindi cha kwanza kutokana na kila timu kutafuta matokeo yatakayoifanya itinge fainali.

Azam dakika ya 31 kidogo wapate bao baada ya Iddi Nado kupiga kona fupi iliyomkuta Salum Abubakar na kupiga kiki kali iliyopanguliwa na kipa Aishi Manula.

Hadi mwamuzi anapuliza kipenga kuashiria mapumziko, ubao wa matokeo katika uwanja wa Majimaji ulikuwa ukisomeka, Azam 0-0 Simba.