AGOSTI 8 MLANDEGE KUPEWA ZAWADI ZAO

Shirikisho la Soka Zanzibar (ZFF) limeandaa mechi maalum kwa ajili ya kuwakabidhi zawadi mabingwa wapya wa ligi Kuu Zanzibar (ZPL) msimu huu 2020/2021 ambao ni Mlandege FC.

Mchezo huo unatarajiwa kuchezwa siku ya Jumamosi ya Agosti 8,2020, katika uwanja wa Mau Zedong Saa10:00 za Jioni ambapo utawakutanisha Mlandege FC na timu ya taifa ya Vijana ya Zanzibar chini ya umri wa miaka 20, (Under 20) inayojianda na michuano ya vijana yatakayofanyika mkoani Morogoro.

Baada ya mchezo kumalizika Mlandege FC watakabidhiwa zawadi ya kombe pamoja na pesa taslimu ambazo haikutajwa kima chake.

Pia kutatolewa zawadi mbali mbali ikiwemo za mchezaji bora wa ligi kuu Zanzibar (ZPL) msimu huu 2019/20 pamoja na mfungaji bora wa ligi kuu msimu huu 2019/20.

Mlandege imemaliza Ligi ikiwa imejikusanyia alama 68.

Story by www.dimbani.co.tz