ABDUL MUTIK KIDUU KUANZA KUTUPA KARATA YAKE YA KWANZA KOMBE LA KLABU BINGWA AFRIKA

Kocha wa Mlandege AbdulMutik ‘Kiduu’ amesema kuwa wamejiandaa vizuri kama walivojiandaa wapinzani wao ambao ni Club Sportif Sxfaxien kutoka Tunisia na ameahidi watambana kadri ya uwezo wao na kuhakikisha wanatoka na ushindi katika uwanja wa Nyumbani.

Na kwaupande wa Nahodha wa Mlandege Sabri Ramadhan China ambae ni mchezaji wa zamani wa klabu hio amesema kuwa wanategemea kufanya vizuri katika mchezo wao huo na kuwapa maelekezo wachezaji wenzake ili kuona wanafakiwa kushinda licha ya wao kuwa na idadi kubwa ya wachezaji wachanga.

Nae Kocha wa Club Sportif Sxfaxien Amis Bovle Pbam amesema kuwa wamejiandaa vizuri kuwavaa timu ya Mlandege na hawatowadharau kwakuwa hawana uzoefu mkubwa katika michuano kama hio, pia kocha huyo amesema kwa upande wao wanauwezo mkubwa wa kuibuka na ushindi mbele ya Mlandege.

Nahodha wa Club Sportif Sxfaxien Kingsley Edwo amesema kuwa kwa upande wao kama wachezaji wamejipanga vizuri na hawana wasi wasi wowote wa kuhofia mchezo huo.

Mchezo wa Club Sportif Sxfaxien na Mlandege ambao ni mchezo wa klabu Bingwa Afrika utakapigwa katika uwanja wa Amaan saa 10:00 alasiri huku ikielezwa kuwa kwa mashabiki watakaoingia kiwanjani hapo watalazimika kutumia miongozo ya Afya kwa kunawa mikono pamoja na kuvaa barakoa na kukaa kwa kupeana nafasi kutokana na Sheria za CAF za kuzibiti Corona licha kuwa Tanzania hakuna Corona.

Story na Ruwaida Saleh.