Alcaraz ampiku Novak Djokovic, ashinda taji la Wimbledon Wanaume

Carlos Alcaraz alishinda taji la Wimbledon kwa wanaume kwa mara ya kwanza kwa kumaliza ubabe wa hivi majuzi wa Novak Djokovic kwa ushindi mkubwa.

Alcaraz wa Uhispania, 20, alipambana kutoka mwanzo na kushinda 1-6 7-6 (8-6) 6-1 3-6 6-4 dhidi ya bingwa mtetezi.

Djokovic alikuwa akitafuta ushindi wa tano mfululizo, ushindi wa nane kwa wanaume na wa 24 mkuu - yote ambayo ni sawa na rekodi.

Lakini Mserbia huyo mwenye umri wa miaka 36 alizidiwa nguvu na Alcaraz, ambaye alisisitiza uwezo wake kwa kushinda taji kuu la pili.

"Ni ndoto iliyotimia kwangu," Alcaraz, ambaye alikuwa akicheza katika mashindano yake ya nne pekee ya uwanja wa nyasi, alisema.

"Hata kama ningepoteza, ningejivunia. Kuweza kucheza katika hatua hizi za hafla hizi - kama mvulana wa miaka 20 - ni haraka sana.