MwanaFA: Twendeni uwanjani tukaujaze Uwanja wa Mkapa
Naibu Waziri wa Utamaduni, Sanaa na Michezo, Hamisi Mwinjuma 'MwanaFA' amewataka mashabiki wa soka kutoka Dar na mikoa ya jirani kwenda Uwanja wa Benjamini Mkapa leo Marchi 7, 2023 kwenda kuishangilia Simba SC itakapokuwa inacheza dhidi ya Vipers SC.
MwanaFA ambaye ndiye mgeni rasmi katika mchezo huo, ameseme kitendo cha mashabiki kuwa wengi uwanjani, kitatoa hamasa kwa wachezaji kuweza kufikia malengo ya kupata ushindi na kuifanya klabu hiyo iweze kuzidi kupata matumaini ya kusonga mbele.
"Inapofanikiwa Simba kama nchi tunapata faidi kama ilivyotokea miaka kadhaa nyuma, Simba iliongeza nafasi za timu zetu kushiriki kimataifa, shime mashabiki wa mpira tujitokeze kwa wingi," amesema MwanaFA.
Ujumbe wa Mgeni Rasmi wa mchezo dhidi ya Vipers, Naibu Waziri wa Utamaduni, Sanaa na Michezo, Mhe. Hamis Mwinjuma kwa Watanzania na mashabiki wa Simba. #WenyeNchi #NguvuMoja pic.twitter.com/1826IWExFx
— Simba Sports Club (@SimbaSCTanzania) March 6, 2023