Muingereza anayekimbia urefu wa Afrika akaribia kumaliza

Mwanamume mmoja kutoka U.K. ambaye amekuwa akikimbia urefu wa Afrika kwa ajili ya kutoa misaada aliondoka katika jiji la Tunisia la Bizerte siku ya Jumapili katika kile alichotarajia kuwa ungekuwa hatua ya mwisho ya safari yake ndefu.

Russ Cook, ambaye anajiita “Hardest Geezer”, alianza challenge hiyo mwezi Aprili mwaka jana, akianzia kusini mwa bara la Afrika, Cape Agulhas nchini Afrika Kusini.

Alivuka hadi Tunisia siku ya Alhamisi usiku na anasema analenga kukamilisha kazi kubwa ifikapo Jumapili, na kuishia katika sehemu ya kaskazini mwa bara la Cape Angela.

Mkimbiaji huyo mwenye umri wa miaka 26 alijumuika na wafuasi siku ya Jumapili walipokimbia pamoja naye mwanzoni mwa mbio zake zamwisho wa safari ya zaidi ya kilomita 16,000.

Cook anakimbia kutafuta pesa kwa ajili ya mambo mawili, The Running Charity, ambayo inasaidia vijana wenye mahitaji magumu au wasio na makazi, na Sandblast, ambayo inalenga kujenga ufahamu na msaada kwa wazawa wa Saharawi wa Sahara Magharibi.

Hivi majuzi ameona kuongezeka kwa michango na zaidi ya pauni 650,000 zilizokusanywa ($808,832) kati mipango yake makuu ya pauni milioni moja hapo awali.