Utafiti: Watu wanaosafiri wana furaha zaidi kuliko wanaovaa sana

Utafiti mpya umeonesha kwamba Watu ambao wanatumia pesa zao kwa mambo kama vile kusafiri na kuhudhuria matukio ya burudani wana furaha zaidi kuliko wale wanaozingatia kuwekeza kwenye mavazi, kununua simu kali na vitu vingine kama hivyo ‘material goods’.

Utafiti mpya uliochapishwa katika jarida la saikolojia ya kijamii umeeleza kuwa kuwekeza kwenye safari huleta furaha kubwa, ukumbusho na starehe ya wakati huo kuliko shopping ya vitu kama simu na nguo.

Matokeo ya utafiti huo yalikuja baada ya kuhojiwa kwa kundi kubwa la Watu wazima waliowekeza kwenye safari ambapo walielezea uzoefu wao kama vile kula nje au kuhudhuria matukio mbalimbali ya burudani kitendo ambacho kiliwapa kiwango cha juu cha furaha kuliko wale ambao walikuwa wamenunua vitu.