Diamond na Romu Jons
Romeo Abdul Jones almaarufu Romy Jons; ni ndugu na official DJ wa staa wa muziki nchini Tanzania, Diamond Platnumz ambaye anawashauri watu wapendane na kuthaminiana bila kuangalia uwezo wa kifedha wa wenzao.
Jons ambaye ameachia EP yake ya pili ya The Weekend ameweka wazi kuwa, kuna baadhi ya watu wa karibu ambao walimdharau ndugu yake, Diamond wakati alikuwa fukara bila mbele wala nyuma.
Romy anasema kuwa miaka hiyo kulikuwa na baadhi ya watu wanaojiita marafiki wa Diamond ambao hawakuwahi kuamini katika ndoto zake.
Romy anasema; “Kuna baadhi ya ndugu au marafiki ambao walimdharau sana na kumkebehi mdogo wangu Nasibu (Diamond). Hakuna aliyeamini katika ndoto zake.”
Jons alifichua kuwa wengi wa waliomkebehi na kumdharau Diamond siku za hapo awali ndio ambao sasa wapo katika mstari wa mbele kuomba msaada.
“Leo ndiyo hao mstari wa mbele kuomba msaada!!! Tupendane na kuthaminiana hata kama hatuna mbele wala nyuma," anasema Jons.