Meneja Maneno aeleza kinachomkwamisha Q-Chief kwenye muziki, awataja AY na Mwana FA (+video)

Aliyewahi kuwa meneja wa zamani wa Rich Mavoko na Nay wa Mitego, Meneja Maneno ametaja sababu zinazomfanya Q-Chief kushindwa kurudi kwenye muziki kama zamani alivyokuwa akifanya.

Meneja Maneno amesema sababu kubwa inayomfanya ashindwe kurudi ni kukosa utayari pili ni aina ya Mameneja wanaomsimamia kwani Q Chief kwa sasa anahitaji kubrandiwa upya ili aweze kushindana na wasanii wapya.

Akizungumzia utayari wake, Maneno amesema Q-Chief toka zamani ni msanii wa kutegemea kushikwa mkono zaidi kuliko kujiongoza mwenyewe kama wasanii wakongwe wenzake akina AY na Mwana FA wanavyofanya.

“Mimi ninaweza kusema tokanimjue Mwana FA na AY sijawahi kuona Mameneja wao, lakini ukiangalia jitihada zao binafsi wapo mbali sana na wanafanya vizuri,“amesema Meneja Maneno.

_______________________________________________________________________________________________

Kwa sasa unaweza kupata habari zetu zote sehemu moja kwa kupitia App yetu ya Bongo5. Pakua sasa kupitia Play Store kwa kubonyeza link hii – https://bit.ly/2J2Argw