Hatimaye Baba Levo atangaza kumkubali Harmonize

Hatimaye msanii na chawa wa WCB, Baba Levo amesema kuwa msanii mwenzake, Harmonize anaandika nyimbo kadhaa nzuri za staa huyo wa Konde Ganga na zipo baadhi ya nyimbo ambazo anazipenda.

Ikumbukwe kuwa, Baba Levo hajawahi kumzungumzia vizuri Harmonize tangu aondoke WCB, kauli hii imestua wengi na kuacha maswali kwa nini Chawa wa Diamond amsifir hivi hasimu wa bosi wake?

“Kwa sasa upepo huu ni mkubwa wa Diamond Platnumz na Alikiba, mtu kama Harmonize lazima aingie ajaribu kuchota chochote kitu, hiyo kwangu naona haina ubaya, lakini kiuhalisia inapofikia vumbi la Kiba na Mondi hakuna mtu anaweza kupenya hapo katikati.

“Ndio maana umeona Harmonize ametoa nyimbo nyingi sana hivi karibuni lakini hawezi kupenya kwa sababu Mondi na Kiba ni wasanii powerful kwenye hii nchi kila mtu anajua, nadhani harmonize ametumia fursa tu.

“Harmonize anaandika vizuri, ana ngoma zake nyingi ambazo ameshazitoa ambazo ukisikiliza unaona kabisa huyu mtu anaandika. Napenda wimbo wake wa Teacher na Single Again.

“Ukija upande mwingine anaandika sana kuhusu mpenzi wake, sisi hatuoni kama ni uandishi, tunaona anahadithia tu vitu vyake ambavyo vimemkuta kwenye maisha yake,” amesema Baba Levo.

Unadhani kauli ya baba Levo ina ukweli kiasi gani?