KUTOKA nchini Sudani Kusini, mkali wa muziki Emmanuel Jal ameachia video ya kibao chake, ‘Hey Mama’ wenye maudhui ya kuelimisha jamii kuhusu amani na maisha yajayo yenye upendo na umoja wa kimataifa.
Hey Mama ni kibao chenye mahadhi ya Afro Pop, ambacho mwenyewe anasema, inalipa heshima kwa nchi yake ya asili na utamaduni.
Jal anashirikiana na mwimbaji mwingine, Check B ambaye ni mwanaharakati kijana alijeruhiwa akiwa mtoto katika vita na ambaye pia anatumia sanaa kukuza mustakabali mwema kwa vijana.
Katika wimbo huo, kwa pamoja wanaimba: "Sudan Kusini ni mama yangu, ukabila hauna nafasi, lugha hazibagui, sote ni sawa, hakuna vita, upendo ni tiba yetu."
Akizungumzia wimbo huo, Jal anasema: "Hey Mama ni wimbo wa sisi kufikiria maisha yetu yajayo kwa njia chanya na jinsi tunavyoweza kuwa sehemu ya suluhisho."
Wimbo huu umechukuliwa kutoka katika albamu ya Jal's up & coming studio inayoitwa - Shangah na nyimbo mbadala zitatolewa kupitia lebo ya Gondwana yenye makazi yake nchini Kenya mwezi Desemba, 2021 kutoka kwa watayarishaji wa Afrika Kusini Da Capo na Black Motion, DJs wa Kenya Suraj na Euggy na Dj/ kutoka Morocco.
Video hiyo imeongozwa na dairekta kutoka Kenya, Enos Olik na kufadhiliwa na chapa ya viatu vya maadili ya Twins for Peace inawapeleka Emmanuel na marafiki zake katika safari ya barabarani kote nchini huku jina lake likikagua mikoa na miji tofauti iliyo na maeneo ya Sudani Kusini ikiwa na taswira zinazosherehekea utamaduni mzuri wa nchi hiyo na watu wake.