Msanii wa muziki nchini Tanzania, Diamond Platnumz ameahidi kuondoa vilio vya wasanii kuhusu malipo madogo wanayoyapata kupitia matamasha wanayoyafanya kwa kuanzisha tamasha la Wasafi Festival.
Akiongea na Waandishi wa Habari leo Juni 19, 2018 Diamond amesema kuwa wasanii wote watakaoshiriki kwenye tamasha hilo watalipwa vizuri kadri wanavyostahili.
“Niwambie kuwa mwaka huu tutakuwa na Wasafi Festival, ambayo najua watu wengi tunaisubiri kwa hamu hususani kama mimi mikoa mingi sijaenda mwaka huu. Wasafi Festival ambayo sio tuu itakuwa ya wasanii wa WCB peke yake bali ni ya wasanii mbalimbali ambao nao watashiriki, sio tu kushiriki bali watashiriki na kulipwa vizuri,“amesema Diamond.
Kwa upande mwingine, Meneja wa Diamond Platnumz, Babu Tale amesema kuwa tarehe rasmi ya kuanza kwa tamasha hilo itatangazwa baadae.