Diamond: Busu la Francine Koffie nitalikumbuka milele

Msanii Diamod Platnum anasema busu ambalo amewahi kupata maishani mwake lilitoka kwa mrembo wa Ghana, Francine Koffie ambaye ataishi kumkumbuka milele.

Mwimbaji huyo wa Bongo alifunguka kuhusu busu bora zaidi ambalo amewahi kupata alipokuwa akizungumza Mei 19, 2023, wakati wa msimu wa 2 wa kipindi cha reality show cha Netflix Young, Famous & African.

Katika moja ya matukio katika filamu hiyo, Diamond anaonekana akimpiga busu (denda zito) la kimahaba mwanamuziki wa Francine Koffie almaarufu Fantana. Diamond anasema;

"Nilijiona kuwa mimi ndiye bora katika kubusu, hadi nilipo mbusu Fantana nikagundua kumbe Mimi bado sana,"

Diamond anasema kuwa busu la Fantana lilikuwa zaidi ya busu. "Hakuwa akinibusu, alikuwa akinila!" alisema.

Diamond aliweka wazi kuwa busu la malkia huyo wa Ghana lilikuwa bora zaidi kuwahi kupata katika miaka yote 32 ya kuwepo kwake Duniani.

Fantana ni mwimbaji na mwanamitindo kutoka Ghana ambaye pia ni mmoja wa wahusika wa reality show Young, Famous na African.

Hata hivyo, hana historia ya uhusiano na Diamond mbali na kuwa wanachama wa YFA2.

Wahusika wengine wa tamthilia hiyo ni pamoja na mzazi mwenza wa Diamond Zari Hassan, rapa Nadia Nakai, mwigizaji Khanyi Mbau, Naked DJ, Swanky Jerry, Kayleigh Schwark, 2Baba na Annie Idibia.

Siku ya Ijumaa, mpenzi wa zamani wa Diamond, Zari Hassan alikuwa na maelezo ya mumewe mdogo, Shakib Cham Lutaaya baada ya sehemu ya pili ya filamu hiyo kurushwa mapema siku hiyo.

"Niko njiani kuelekea nyumbani kwa mume wangu kuelezea kile kilikuwa katika #YFA,” Zari alitangaza kwenye Instagram Ijumaa jioni kupitia video yake akiendesha gari.

Mama huyo wa watoto watano alisikika akiimba kwa sauti kubwa kwenye video aliyoweka.

Haijabainika iwapo Zari alienda kumuomba radhi Shakib kutokana na kuzozana kwake na Diamond kwenye show.