Ben Pol aeleza kwanini video ya kolabo na Chidinma haijatoka

Mkali wa muziki wa RnB Bongo, Ben Pol amefunguka sababu ya kutotoa video ya ngoma yake ‘Kidume’ ambayo amemshirikisha Chidinma kutoka nchini Nigeria.

Muimbaji huyo katika mahojiano na Bongo Dot Home, Times Fm amesema video hiyo haijatoka hadi sasa kutokana na yeye kutokuwepo Dar es Salaam kwa kipindi kirefu.

“Imechelewa kwa sababu ya safari zangu kwa kipidi cha miezi mitatu nilikuwa napata siku moja au sipati kuwepo Dar, kwa hiyo nisingeweza kufanya chochote na unajua Dar ndio tunafanya mipango yote, nilikuwa nashindwa kufanya vitu” amesema Ben Pol.

Ben Pol amekua msanii wa pili kutoka Bongo kufanya kolabo na Chidinma baada ya Joh Makini alipomshirikisha katika ngoma yake inayokwenda kwa jina la Perfect Combo.