Sasa 'X' unaweza kutuma movie na podcast

Elon Musk, Mkurugenzi Mtendaji wa SpaceX na Tesla, amezindua vipengele vipya kwenye mtandao wa X iliyojulikana zamani kama Twitter na kuruhusu watumiaji kupakia na kujipatia mapato ya podikasti, vipindi vya televisheni au filamu.

Hatua hii inakuja baada ya Musk alipojibu swali la dada yake Tosca Musk kuhusu kupakia filamu zenye urefu kamili kwenye jukwaa hilo.

Watumiaji walipendekeza kuongezwa kwa vipengele vya ziada kama vile uwezo wa ziada wa kutuma klipu ndefu na kubadilisha X kuwa jukwaa maalum lenye uwezo wa kutuma klipu hizo.