LeBron atarejea kwa Msimu wa 21 wa NBA

LeBron James ametangaza kwenye The ESPYs hapo jana kwamba atacheza msimu mwingine kwa Los Angeles Lakers.

LeBron mwenye miaka 38, alisema atarejea kwa msimu wake wa 21 wa NBA na wa sita akiwa na Lakers baada ya kupokea tuzo ya ESPY ya Utendaji Bora wa Kuvunja Rekodi kwa kumpita Kareem Abdul-Jabbar kwenye orodha ya wafungaji wa muda wote wa NBA msimu uliopita.

Mchezaji huyo alisema; Sijali ni alama ngapi zaidi ninazoweza kupata au kile ninachoweza au siwezi kufanya nikiwa sakafuni, swali la kweli kwangu, naweza kucheza bila kudanganya mchezo? Siku ambayo siwezi kucheza bila kutoa kila kitu kwenye sakafu ni siku ambayo nitakamilika. Bahati yenu nyie, siku hiyo si ya leo.”

Mwishoni mwa msimu uliopita kufuatia kupoteza kwa Lakers kwa Denver Nuggets katika fainali za Mkutano wa Magharibi, James alisema hana uhakika kama angerejea.

Hiyo ilikuwa tofauti kabisa na hisia za awali za LeBron, aliposema mara kadhaa kwamba angependa kucheza pamoja na mwanawe mkubwa, Bronny, katika NBA.

Nyota huyo alikuwa na msimu mwingine mzuri zaidi wa 2022-23, akiwa na wastani wa pointi 28.9, rebounds 8.3 na asisti 6.8 katika michezo 55.