Bobi Wine ajuta nyimbo chafu alizoimba

Msani aliyegeuka mwanasiasa nchini Uganda, Bobi Wine amefichua kuwa kuna orodha nzima ya nyimbo alizotengeneza ambazo hajivunii sana leo.

Akikumbuka nyuma, alisema, alikuwa "mdogo, mwenye hasira na asiye na adabu kabisa;" na kwamba baadhi ya muziki aliotayarisha ulikuwa wa kusikitisha.

"Nilikuwa msanii mpotovu kumbuka," mwimbaji huyo na mwanasiasa wa upinzani anchini Uganda lisema katika mahojiano ya hivi majuzi na runinga ya BBS nchini Uganda.

"Nilikuwa nikisema kama ilivyo, ikiwa ni pamoja na maneno na kauli ambazo kila mtu aliogopa kusema. Baadhi ya nyimbo hizo, sijivunii leo.”

Lakini kuna wimbo mmoja hauoni huruma, nao ni diss-track ya ‘Mr Kataala’ iliyotoka kwenye kilele cha beef yake matata na msanii mwenzake Bebe Cool.

Alipoulizwa kuhusu kama anajutia wimbo huo wenye maneno machafu na yenye lugha chafu, Bobi Wine alijibu, “...hapana, sijui.”

"Mr Kataala", wimbo ambao umetungwa kwa mchanganyiko wa lugha ya Kiganda na Kiingereza, bila shaka ni mojawapo ya nyimbo chafu za Wine. Inafungua kwa bomu la tamko la F***k katika sekunde zake saba za kwanza.

Katika wimbo huo, anawashambulia adui wake wa wakati huo Bebe Cool na mkewe Zuena Kirema ambao walikuwa wamerudiana baada ya kutengana kwa uchungu. Rais wa Ghetto katika wimbo huo, anahoji akili ya wanandoa hao, iliyoonekana kwenye video ya ‘Kasepiki,’ akiwakejeli watu wenye chuki kuhusu kuungana kwao tena, ilieleza moja ya blogu iliyochanganua mistari na ujumbe kwenye wimbo huo.

Licha ya kazi zao za muziki kudorora hivi karibuni na mmoja kujiingiza kwenye siasa, beef ya miongo miwili kati ya wasanii hao wawili haijaonekana kufa kabisa. Hivi majuzi iliibuka tena wakati wawili hao wakipigana hadharani kuhusu sifa za kitaaluma, na hivi majuzi zaidi kuhusu Shirikisho la Wanamuziki wa Kitaifa wa Uganda.

Lakini katika mahojiano na BBS, Bobi Wine alisisitiza jinsi yeye ni mtu mzima zaidi sasa.

Katika hatua fulani ya kazi yake, alisema, alisoma maandiko ya Biblia ambayo yalimtahadharisha juu ya hatari za kutokomaa kimuziki.

Imeandikwa katika Mhubiri 11:9; “Vijana, furahieni ujana wenu. Kuwa na furaha wakati ungali kijana. Fanya unachotaka kufanya, na ufuate matakwa ya moyo wako. Lakini kumbuka kwamba Mungu atakuhukumu kwa lolote utakalofanya.”

Wine anasema maandiko yalimfanya afikirie kwa muda mrefu na kwa bidii kuhusu jinsi watoto wake mwenyewe wangemfikiria waliposikiliza baadhi ya nyimbo zake zisizopendeza.