Ujumbe mtamu wa Juliana Kanyamozi kwa mwanawe anapotimia mwaka
- Mwanamuziki Juliana Kanyamozi anasherehekea siku ya kuzaliwa ya mwanawe baada ya kutimia mwaka mmoja
- Juliana na mpenzi wake mfanyabiashara tajiri kutoka Rwanda Habi Moses wamekuwa pamoja kwa miaka mitatu sasa
- Itakumbukwa kwamba mtoto wa kwanza wa Kanyamozi alifariki dunia mwaka wa 2014 katika hospitali ya Aga Khan hapa jijini Nairobi akipokea matibabu
Mwanamuziki maarufu kutoka Uganda Juliana Kanyamozi amekuwa akiyaweka maisha yake faraghani baada ya kujifungua mtoto wake wa pili mwaka uliopita.
Juliana alijaliwa mtoto mwingine baada ya kifungua mimba wake Keron kuaga dunia mwaka wa 2014 akipokea matibabu katika hospitali ya Aga Khan hapa jijini Nairobi.
Msanii huyo pamoja na mpenzi wake mfanya biashara tajiri kutoka Rwanda Habi Moses wamekuwa pamoja kwa zaidi ya miaka mitatu sasa.
Kupitia ujumbe aliochapisha kwenye mitandaoni ya Kijamii, Kanyamozi alimshukuru Mungu kwa malaika huyo na kumtakia heri njema siku yake ya kuzaliwa.
" Ushatimia umri wa mwaka mmoja, siku kama hii mwaka jana, mwendo wa saa tatu na robo, tulikukaribisha duniani na ukajaza nyoyo zetu na furaha. Nakupenda sana kuliko chochote humu duniani. Heri Njema siku yako ya kuzaliwa mfalme wangu Taj," Kanyamozi aliandika.
Mashabiki wamefurika mitandaoni na kumtakia mtoto huyo heri njema na maisha marefu, baadhi walimtaka Kanyamozi kumuonyesha uso wake kwa umma.
Habi ambaye ni daktari mkubwa nchini Rwanda, aliadhimisha siku ya Mothers Day kwa kuwatakia wanawake wote heri njema.
"Happy Women's Day kwa wanawake wote ulimwengu mzima, nawaheshimu sana," Aliandika Habi.
Kando na hayo, Kanyamozi alilazimka kuvunja kimya chake baada ya madai kuibuka kwamba mwanawe Rais Yoweri Museveni ndiye alikuwa baba wa mtoto wake.
Haikubainika iwapo Juliana na Jenerali Muhozi Kainerygaba walikuwa wapenzi lakini nyota huyo wa muziki alikanusha vikali madai hayo.
Muhozi anasemekana kuitisha vipimo vya DNA lakini Kanyamozi alikataa akidai ni yeye anajua baba wa mtoto wake.
Kanyamozi aliposti ujumbe mitandaoni akidai hizo zilikuwa taarifa za porojo ambazo zilikuwa zikienezwa na wakosoaji wake.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.
Tazama habari zaidi kutoka TUKO.co.ke