Rwanda yatajwa kuongoza kwa umeme wa bei chee

Rwanda imeorodheshwa kama moja ya nchi 30 duniani zenye bei nafuu zaidi ya umeme majumbani, kwa mujibu wa ripoti iliyotolewa mapema mwezi huu na Statista.com.

Statista.com ni jukwaa la mtandaoni lililobobea katika soko na data za watumiaji. Nchi nyingine za Afrika zilizomo kwenye orodha hiyo ni pamoja na Ghana, Afrika Kusini na Kenya.

Ripoti hiyo ilitokana na kipindi cha utafiti cha Juni 2022 na ilijumuisha nchi 30 kote ulimwenguni.

Wastani wa bei ya umeme Rwanda ilikuwa dola 0.24 kwa kilowatt (kWh), huku vituo vya afya vikitozwa Rwf186 kwa kWh, Rwf134 kwa kWh kwa wafanyabiashara wadogo, Rwf103 kwa kWh kwa biashara za kati, na Rwf94 kwa kWh kwa biashara kubwa.

Jambo  hilo linatokana na kuzingatia rasilimali za nishati mbadala na uwekezaji katika miundombinu yake ya nishati. Rwanda imewekeza sana katika kukuza uwezo wake wa kuzalisha umeme ukiwemo umeme wa jua, jambo ambalo limesababisha kupungua kwa gharama za uzalishaji wa umeme.