Pesa sabuni ya roho, Diamond atumia KSh500k kununua meno ya dhahabu
- Diamond alikamilisha ziara yake nchini Afrika Kusini akinunua meno ya dhahabu
- Meno hayo yamechongwa jina lake la kisanii
- TUKO.co.ke imebaini kuwa msanii huyo alitumia KSh 500k kununua meno hayo ya dhahabu
Si siri kuwa mmiliki wa lebo ya Wasafi Media, Diamond Platnumz ni mkwasi. Taaluma ya muziki ya muimbaji huyo imemvunia mamilioni ya pesa.
Diamond anajivunia kumiliki majumba ya kifahari nchini Afrika Kusini na Tanzania, hoteli, lebo ya WCB na magari ya kifahari ikiwemo BMW X na mengine aina ya Toyota Landcruiser.
Baada ya ziara ya wiki kadhaa nchini Afrika Kusini akirekodi albamu yake, muimbaji huyo alirejea Tanzania mnamo Mei 11.
Lakini kabla ya kuondoka Mzansi, baba huyo wa watoto wanne aliamua kujizawadi meno ya dhahabu.
Muimbaji huyo akiwa mwingi wa furaha alipakia picha na video za meno hayo kwenye Instagram. Na kulingana na sonara wa meno hayo, yametengenezwa na karati 18 ya dhahabu nyeupe.
“Ningependa kumkaribisha kka yangu @diamondplatnumz kwa familia ya SHOHREH Premium Grillz,” alichapisha sonara huyo.
Diamond sasa anajiunga na wateja wengine tajika ambao wanavalia meno ya sonara huyo.
Baadhi ya wasanii wengine tajika ambao walinunua meno ya dhahabu kutoka kwa duka hilo ni pamoja na rapa Nasty C, DJ Maphorisa na Tiwa Savage.
Kabla ya kurejea Tanzania, Diamond alisherehekea Siku ya Mama katika jumba la Zari.
Alipakia video za wanawe Tiffah na Nillan wakiendesha magari ya watoto aina ya Range Rover ambayo aliwanunulia.
Wakati wake nchini Afrika Kusini, Diamond na Zari walizua fununu kuwa wamerudiana baada ya picha zao kuibuka wakiwa wameshikana.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.