Muigizaji staa Lupita Nyong'o amsherehekea mama yake kwa kumfunza kuoga
- Lupita kupitia Twitter alipakia picha akimkumbatia mama yake
- Muigizaji huyo alifichua kuwa mama yake ndiye alimfunza mengi anayojua
- Alisema ni mama yake ndiye alimfunza kuoga kila siku
Muigizaji wa Hollywood Lupita Nyong'o amefichua jambo muhimu kumhusu mama yake.
Huku akijiunga na ulimwengu kuadhimisha Siku ya Mama Duniani, Lupita kupitia Twitter alipakia picha akimkumbatia mama yake na kuambatanisha ujumbe mrefu wa namna anampenda.
Muigizaji huyo alifichua kuwa mama yake ndiye alimfunza maadili akiwa mdogo.
Kulingana na Lupita, mama yake alimfunza kuwa jasiri, kusikiliza kabla ya kuongea na pia kuwa na adabu.
"Maadili ya mama yangu... Mama yangu alinifunza kuwa na adabu lakini si mpole. Kusikiza kabla ya kuongea.Alinifunza kuvalia kupendeza. Kusema sijui wakati siwezi. Kutia bidii. Endapo nashindwa, nifikirie kitakachofuata. Kuuliza maswali, kusoma jumbe," Lupita aliandika.
''Nilijifunza kutenga muda kuwa na watu niwapendao na kuchukuwa ,muda wangu. Kupenda ngozi yangu. Kufahamu tofauti ya makosa na dhambi. Kuoga kila siku. Kushikilia nguvu yangu licha ya maneno ya watu," aliongezea.
Kisha alikamilisha ujumbe wake wa kuadhimisha Siku ya Mama akimshukuru mama yake kwa kila jambo huku akimsherehekea wakati wa siku hiyo spesheli duniani.
Ujumbe wa Lupita wa Siku ya Mama unakujia wiki chache baada ya kuonekana nchini Kenya akijivinjari.
TUKO.co.ke iliripotia awali kuwa mshindi huyo wa tuzo ya Oscar alichapisha picha maridadi akijivinjari Lamu.
Picha za Lupita zilizua hisia mseto huku wengi wakimuonyesha upendo akiwemo mwanamtindo wa kimataifa Naomi Campbell, ambaye alitoa maoni yake akitumia emoji ya upendo.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.