#KirusiKIPYA: Kenya yasema haitozuia safari za ndege kuingia nchini humo

Kenya haina mipango ya haraka ya kupiga marufuku safari za ndege za kimataifa kufuatia kugunduliwa kwa kirusi kipya cha Omicron

Katibu Mkuu wa Wizara ya Afya, Susan Mochache amesema serikali imeimarisha ufuatiliaji katika maeneo yote ya kuingilia nchini ili kufuatilia kuenea kwa kirusi hicho hatari.

Mochache alibainisha kuwa uchumi wa nchi unapaswa kuendelea kukimbia wakati huu wa janga la Covid-19.

"Hatutasimamisha safari za ndege za kimataifa. Lakini tunafuatilia watu wote wanaosafiri kutoka nchi ambazo zimeripoti visa kadhaa vya lahaja mpya ili kuhakikisha kuwa watu wetu wako salama,'' alisema Bi Mochache.

Akizungumza katika Shule ya Msingi ya Nyaura Kaunti ya Kisii Jumapili, alisema kuwa Wakenya hawafai kuogopa.