Hasira za wanachi dhidi ya serikali baada ya uhaba wa mafuta nchini Nigeria

Foleni za kununua mafuta zimerejea katika miji ya Nigeria, huku madereva wengi wakipata ugumu baada vituo vingi vya mafuta kufungwa na vingine vinafanya kazi kwa sehemu ndogo tu.

Uhaba huo unakuja huku kukiwa na ripoti za uwezekano wa ongezeko la bei kubwa ya mafuta. Shirika la Kitaifa la Petroli la Nigeria (NNPC) limekanusha kuwa serikali inapanga kupandisha na kushauri dhidi ya ununuzi wa hofu.

Aidha, NNPC ilisema kuwa bidhaa nyingi zaidi za petroli zilitarajiwa kuwasili nchini kila siku kwa muda wa wiki na miezi ijayo, na kusisitiza kwamba haikuwa lazima kuwa na hofu yoyote ya uhaba wakati wa msimu wa sherehe na zaidi.

Wakati huo huo, Chama Huru cha Wafanyabiashara wa Petroli nchini Nigeria kimeunda kikosi kazi ili kuhakikisha kuwa vituo vya kujaza mafuta havihifadhi petroli.