Bunge la Uganda kupitisha mswada muhimu wa bomba la mafuta
Bunge la Uganda linatarajiwa kupitisha mswada wa Bomba la Mafuta Ghafi la Afrika Mashariki ikiwa kwenye utaratibu wa (Masharti Maalumu), siku ya Jumanne (Novemba 30) ili kuruhusu uendelezaji na utekelezaji wa mradi unaosubiriwa kwa muda mrefu ---kikanda.
Waziri wa Nishati na Maendeleo ya Madini, Dk Ruth Nankabirwa Ssentamu ameyasema hayo wakati wa Kongamano la Biashara kati ya Tanzania na Uganda lililofanyika Ikulu jijini Dar es Salaam Jumapili kuwa "baada ya muswada huo kusainiwa tutaona shughuli nyingi."
Marais hao wawili, Samia Suluhu Hassan wa Tanzania na Yoweri Museveni wa Uganda walihudhuria kongamano hilo.
"Napenda kumshukuru Rais wa Tanzania (Samia Suluhu Hassan) kwa kufuatilia na kuthibitisha sheria ya athari," alisema.
"Wawekezaji wamekuwa wakisubiri sheria ya utekelezaji, muhimu sana kwa mradi.
Ninataka kuwahakikishia kuwa nchini Uganda, mswada wa bomba la mafuta ghafi wa Afrika Mashariki utahitimishwa na bunge siku ya Jumanne,” alisisitiza.
Sheria hiyo ni hitaji chini ya Mkataba wa Serikali za Uganda na Tanzania uliotiwa saini na Mkataba wa Serikali Mwenyeji wa mradi huo.
Muswada huo ni kuwezesha baadhi ya vifungu vya Mkataba wa Kiserikali uliotiwa saini kati ya Uganda na Tanzania pamoja na Mkataba wa Serikali mwenyeji uliosainiwa kati ya Uganda na Kampuni ya Bomba la Mafuta Ghafi la Afrika Mashariki ili kuruhusu maendeleo ya mradi huo.
Kwa haraka Waziri aliona kwamba wakati wa utekelezaji wa mradi, wawekezaji wanapaswa kufanya ubia na kwamba kampuni ya Tanzania au Uganda kwa upande wowote haitachukuliwa kuwa kampuni ya kigeni.
Eacop ni bomba lenye joto la kilomita 1,445, sehemu muhimu ya uuzaji wa mafuta ya Uganda, ambayo yatasafirisha mafuta ghafi kutoka maeneo ya uzalishaji wa mafuta ya Ziwa Albert katika miradi ya Tilenga na Kingfisher magharibi mwa Uganda hadi Tanga nchini Tanzania.