Mgunda
Klabu ya Simba imethibitisha kuachana na Kocha Juma Ramadhani Mgunda ambaye alikuwa akiinoa Timu ya Wanawake ya Simba Queens huku mara kadhaa akipewa jukumu la kufundisha timu ya Wanaume ya Klabu hiyo.
Afisa Mtendaji Mkuu wa Simba, Uwayezu F. Regis amesema Mgunda ambaye alianzia timu ya Wanaume kabla ya kuhamishwa kwenda Simba Queens amemaliza mkataba wake.
Kocha huyo ameiwezesha Simba Queens kushinda ubingwa wa Ligi Kuu ya Wanawake Tanzania (TWPL), ambapo timu hiyo kwa sasa itakuwa chini ya Kocha msaidizi, Mussa Hassan Mgosi.
Katika kipindi chake klabuni hapo Kocha Mgunda ameiwezesha Simba Queens kurejesha taji lake la ligi kuu ya Wanawake Tanzania (TWPL).
“Uongozi wa Simba unapenda kumshukuru Kocha Mgunda kwa utumishi wake ndani ya klabu yetu akianza kukitumikia kikosi cha Simba cha Wanaume (Simba Senior Team) kisha kuham- ishiwa timu ya Wanawake (Simba Queens) na kote akitimiza vema majukumu yake,” imesema taarifa ya Simba Sc.