Rais Museveni hali wali maishani mwake

Rais wa Uganda,  Yoweri Museveni amezua gumzo baada ya kusema kuwa hali wali kwa sababu yeye si MhindiRais huyo pia anasema kuwa hali mkate kwa kuwa yeye si MzunguAwali, Museveni aliwaambia raia wa Uganda kula mihogo iwapo bei ya mkate imewashinda

Museveni amewasuta wanaouliza chaguo lake la chakula akisema kuwa anapenda vyakula vya Uganda kwa kuwa yeye ni wa kiasili.

Akihutubia taifa kuhusu janga la Ebola nchini humo, Museveni alijikuta akizungumzia haja ya raia wa Uganda kukumbatia vyakula vya kiasili.

Alifokea vyombo vya habari vya kuibua maswali kuhusu upendo wake wa mhogo na kusisitiza kuwa hana majuto yoyote kwa kuwa yeye ni wa kiasili.

“Mimi sili wali kwa sababu mimi si Mhindi. Sili mkate kwa sababu mimi sio wa bara Ulaya. Mimi ni wa kiasili,” Museveni amesema.

Mwezi Mei, Rais Museveni aliwahimiza raia wa nchi hiyo ambao hawana uwezo wa kununua mkate kula mihogo badala ya kujihangaisha.

Museveni alidai kuwa mfumuko wa bei ya bidhaa nchini humo umesababishwa na ugonjwa wa Korona na vita kati ya Urusi na Ukraine ambavyo vimetatiza uchukuzi wa mizigo na kusababisha uhaba.

“Kama hakuna mkate basi kula mhogo. Waafrika hujikanganya sana. Unalalamika kuwa hakuna mkate au ngano, tafadhali kula mhogo. Mimi mwenyewe sili mkate,” Museveni alisema katika sherehe za Leba Dei jijini Kampala.