Rais Museveni afunga nchi, shule kwa siku 42 huku visa vya COVID-19 vikiongezeka

Rais wa Uganda Yoweri Museveni ameweka masharti mapya na makali ya kudhibiti msambao wa virusi vya COVID-19.

Habari Nyingine: Rais Uhuru Kenyatta Aomboleza Kifo cha Rais Mstaafu wa Zambia Kenneth Kaunda

Habari Nyungine: Githurai: Barobaro Aangua Kilio Baada ya Kumfumania Mrembo Wake Akigawa Asali

Akihutubia taifa Ijumaa Juni 19, Museveni alitangaza kufungwa kwa nchi, shule na kupiga marufuku mikusanyiko mikubwa baada ya vifo 42 kutangazwa kwa siku moja na visa 1000 vya maambukizi kuripotiwa.

Rais Museveni pia amepiga marufuku safari zote za umma na za magari ya binafsi.

" Ninapigiwa simu kutoka pande zote za nchi, naarifiwa watu wanaangamizwa na virusi hivi, naambiwa fulani na fulani wamefariki ilhali tumekuwa tukiwatahadharisha dhidi ya ugonjwa huu tangu mwezi Machi mwaka jana, huu mchezo unastahili kukoma," Alisema Museveni.

Aidha, Museveni aliwaruhusu watu wanaopeana hudumu maalumu ikiwemo maafisa wa ulinzi, wazima moto na wanajeshi kuendeleza shughuli zao.

Wiki jana, Rais Museveni alipiga marufuku safari za kutoka wilaya moja hadi nyingine, alifunga shule kwa siku 42 na kupiga marufuku mikutano lakini bado maambukizi na vifo vinaendelea kuripotiwa kwa wingi.

" Watalii wanaotoka katika nchi ambazo zimewakubali raia wao kuchanjwa dhidi ya virusi hivi ndio watakaoruhusiwa kuingia nchini. Ikiwa tunapata visa 17 kutokana na kila sampo 100 zinazofanyiwa vipimo, basi hii inamaanisha tuko hatarini," Aliongezea Museveni.

Museveni pia alisema kwamba Viwanja vya ndege havitafungwa lakini hatakubali virusi kuingia nchini humo.

Rais huyo pia aliagiza saa za kafyu zisongeshwe kutoka saa tatu usiku hadi saa moja jioni, wale watakaokiuka amri hii watakabiliwa kisheria ikiwemo kunyang'anywa leseni na kupigwa faini.

Haya yanajiri huku serikali ya Kenya pia ikitangaza kafyu ya kutokuwa nje kati ya saa moja jioni hadi saa kumi asubuhi katika kaunti za mkoa wa Nyanza kufuatia ongezeko la maambukizi ya virusi vya corona.

Kaunti zitakazo athirika ni Vihiga, Busia, Kisii, Nyamira, Kakamega, Kericho, Bomet, Bungoma, Trans-Nzoia, Kisumu, Homa-Bay, Siaya, na Migori.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari za TUKO hapa