Museveni: Uganda ina wananchi wavivu

Akizungumza mbele ya Rais Cyril Ramaphosa na Jumuiya ya Wafanyabaishara, Rais Yoweri Museveni amesema Uganda ina mazingira rafiki kiasi cha kutohitaji watu kufanya kazi kwa nguvu ili kufanikiwa.

Museveni ambaye ameitawala Nchi hiyo kwa takriban miaka 37 amesema "Sisi tupo eneo la Ikweta, tuna misimu miwili ya mvua ndiyo maana hawa Waganda ni wavivu kwa sababu maisha ni rahisi sana kwao. Hutakiwi kufanya kazi ngumu sana, hata mtu mjinga anaweza kuishi Uganda".

Kuhusu hali ya Usalama Nchini DR-Congo Rais Museveni amesema Uganda ilipendekeza kwa viongozi wa Congo kuanzisha Vikundi vya Wanamgambo ili kuwalinda raia lakini Serikali ya Rais Felix Tshisekedi ilikataa.