Muhoozi Kainerugaba na Putin
Mtoto wa kiume wa Rais wa Uganda Yoweri Museveni, Muhoozi Kainerugaba jana Alhamisi alitangaza kwamba nchi yake itatuma wanajeshi kuulinda mji wa Moscow ikiwa utakabiliwa na tishio.
“Niite mfuasi wa Putin ukipenda, lakini sisi, Uganda tutatuma wanajeshi kuilinda Moscow ikiwa itatishiwa na mabeberu, “Muhoozi Kainerugaba alisema kwenye Twitter.
Jenerali huyo wa jeshi ambaye ni mfwasi mkubwa wa Rais wa Russia Vladimir Putin ameongeza kuwa “ Nchi za magharibi zinapoteza muda wake na propaganda zisizo na maana za kuiunga mkono Ukraine.”
Kainerugaba ambaye amepata umaarufu mkubwa kwenye mtandao wa Twitter kutokana na maoni yake kuhusu masuala mbalimbali, mapema mwezi huu alitangaza kwamba anapanga kuwania urais kwenye uchaguzi wa 2026.
Jana, alitangaza pia kuwa ataanzisha kituo cha televisheni na radio chini ya chapa yake ya MK, na amesema mmoja ya maeneo ya kwanza atakayotembelea itakuwa Russia.