Mbeya. Vilio na simanzi vimetawala kwenye viwanja wa Jeshi la Kujenga Taifa (JKT) katika kikosi cha 844Kj-Itende jijini Mbeya wakati wa kuaga miili ya vijana 10 wa JKT na Ofisa wa JWTZ mmoja ambao walifariki katika ajali ya gari Juni 14 mwaka huu.
Shughuli hizo zimefanyika asubuhi hii viwanjani hapo. Wananchi waliojitokeza kuungana na maofisa wengine wa vyombo vya ulinzi na usalama walishindwa kujizuia wakati wa kuaga miili huku vijana wengine wa JKT-Itende ambao walikuwa wakiangua vilio na kuonekana kuishiwa nguvu.
Hata hivyo wakati wa kuaga, miili ya marehemu haifunguliwi usoni kama ilivyozoeleka kutokana na kile kilichoelezwa kwamba ilikuwa imeharibika.
Shughuli hizo ziliongozwa na Mkuu wa JKT, Meja Jenerali Martin Busungu, Mnadhimu Mkuu wa JWTZ, Luteni Jenerali Yakubu Mohamed, Katibu mkuu Wizara ya Ulinzi na Jeshi la kujenga Taifa, Dr, Florens Turuka.
Viongozi wengine ni wa Serikali ya mkoa wa Mbeya pamoja na vyombo vya ulinzi na usalama mkoa wakiongozwa na kaimu mkuu wa mkoa wa Mbeya ambaye ni mkuu wa wilaya ya Mbeya, Paul Ntinika.