Samia: Magufuli apumzike kwa amani

Rais wa Tanzania Dkt. Samia Suluhu Hassan, amesema serikali ya awamu ya sita itaendelea kumuenzi, kwa kuendeleza mazuri aliyoyaanzisha Hayati Dkt.John Pombe Magufuli.

Leo ikiwa ni kumbukizi ya miaka 2 ya kifo cha Hayati Dkt.Magufuli, Rais Samia amepakia ujumbe kwenye ukurasa wa Twitter ukieleza.

"Leo ni miaka miwili tangu tuondokewe na aliyekuwa Rais wa Awamu ya Tano, Hayati Dkt. John Pombe Magufuli.

"Mwenyezi Mungu aendelee kumpa pumziko jema na aendelee kuwatia nguvu wanafamilia wote. Serikali ya Awamu ya Sita itaendelea kumuenzi kwa kuendeleza mazuri aliyoyaanzisha," amesema Rais Samia.