Mwili wa Mramba kusafirishwa kwa helkopta ya jeshi

Mwili wa aliyewahi kuwa Waziri wa Fedha na Mipango, Basil Mramba utasafirishwa na helkopta ya jeshi kwenda wilayani Rombo kwa mazishi.

Mipango hiyo imeainishwa leo Ijumaa Agosti 17, 2021 na mtoto wake, Godfrey Mramba katika shughuli ya kuuaga mwili huo iliyofanyika katika Kanisa la Mtakatifu Peter jijini hapa.

Mramba aliyefariki Agosti 17 katika Hospitali ya Regency alikokuwa amelazwa akisumbuliwa na Ugonjwa wa Virusi vya Korona (Uviko-19), amepewa heshim ahiyo baada ya kulitumikia Taifa kwa weledi na uzalendo enzi za uhai wake.

Akisoma wasifu wa marehemu, Godfrey amesema wanamshukuru Rais Samia Suluhu Hassan kwa upendo wake aliowaonyesha kipindi chote cha msiba huo mzito kwao hata kufanikisha kupatikana kwa ndege hiyo.

“Tunamshukuru Rais Samia aliyesaidi akufanikisha kupatikana kwa helikopta ya kijeshi kwa ajili ya kuusafirisha mwili wa baba yetu kwenda kijijini kwetu Shimbi Kati wilayani Rombo mkoani Kilimanjaro,” amesema Godfrey.

Pia amesema Rais amewapata rambirambi na kutuma wasaidizi wake kushirikiana kwa karibu na familia katika mazishi. Katika shughuli hiyo ya kuaga, baadhi ya viongozi walishiriki akiwemo Waziri wa Kilimo, Adolf Mkenda.

Wengine waliokuwepo ni mjane wa Rais Benjamin Mkapa, Anna Mkapa na Mwenyekiti wa NCCR Mageuzi, Joseph Mbatia pamoja na Mbunge wa Bumbuli, Januari Makamba.

Mramba amefariki huku akiacha mke , watoto wanne na wajukuu nane.Mungu ailaze roho yake mahali pema peponi,Amen.