Maswi ateuliwa tena Katibu Mkuu

Rais wa Tanzania, Samia Suluhu Hassan amemteua Eliakim Maswi kuwa Katibu Mkuu wa Wizara ya Katiba na Sheria.

Awali, alikuwa Mkurugenzi Mkuu wa Mamlaka ya Udhibiti wa Ununuzi wa Umma (PPRA).

Maswi aliyewahi kuwa Katibu Mkuu wa Wizara ya Nishati na Madini anachukua nafasi ya Mary Makondo ambaye ameteuliwa kuwa Katibu Tawala wa Mkoa wa Ruvuma.

Mary anachukua nafasi ya Rehema Madenge aliyestaafu.

Uteuzi huu umetangazwa jana Jumapili, Julai 21,2024 na Kurugenzi ya Mawasiliano ya Rais Ikulu.