TanzaniaWeb
Dar es Salaam. Dk Mwigulu Nchemba, aliyekuwa Waziri wa Mambo ya Ndani ametuma rambirambi kwa msiba wa mbunge wa Korogwe Vijijini, Stephen Ngonyani maarufu Profesa Majimarefu.
Kupitia mtandao wa kijamii wa Twitter, Dk Nchemba ambaye ni mbunge wa Iramba Magharibi (CCM), amesema:
“Maandiko matakatifu yanasema, mwanadamu aliyezaliwa na mwanamke siku zake za kuishi si nyingi. Tumempoteza kaka, ndugu na rafiki Comrade Stephen Hilary Ngonyani (Prof. Majimarefu), tumempoteza kiongozi na kada kwelikweli wa Chama cha Mapinduzi. Mungu akupumzishe kwa amani.”
Dk Nchemba ametuma rambirambi leo Julai 3, 2018 ikiwa ni twiti yake ya kwanza tangu alipoondolewa kwenye baraza la mawaziri Julai Mosi, 2018.
Rais John Magufuli alifanya mabadiliko katika baraza hilo kwa kufanya uteuzi wa waziri mmoja, naibu mawaziri wawili na kuwabadilisha wizara mawaziri wawili.
Soma zaidi:
Kifo cha Majimarefu chafanya idadi ya wabunge waliokufa kufikia watano